قالي القمر
اللي هقوله قاله القمر
قالي يابني بطل سهر
تعبت نفسك وتعبتني
وياما كتبت فيا الشعر
قالي ياما وصفت فيا
وندهت كتير يابني عليا
وجيتلك انا ويا النجوم
ولما شوفتك صعبت عليا
قالي كمان نام وارتاح
حبيبك ملا قلبك جراح
بيتقل قوي هو عليك
وضيع من قلبك الافراح
قالي كمان قلبك حنون
عمرك ابدا ماتعرف تخون
قال خليك دايما كده
مخلص دايما و تصون
------------
بقلمي / رمضان عبد الله أحمد
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة