***** زَجَلية فلسطين *****
فلسطين جَنة مزَينة الشَرق الابي
مأحلى هواها ريحة الاوطان
إنظَلَم فيها الشَعب عم بغلي غَلي
ما عاد شاف الانسانية والحَنان
يا بلادنا حان الوقت تتحرري
وتكوني شمس وضاوية الاوطان
وتكوني تاج الشرق ودرة تُنطقي
وتكوني جنة ربنا الرحمن
فيك الصبية دائما مدللي
وفيك الشباب بنخوة الفرسان
فلسطين يا مسرى الرسول اليعربي
وفيك الاقصى حامل الوجدان
والقدس ما احتلك رخيص واجنبي
الا انكسر وتلاحقة الاحزان
فلسطين عم بحكوا حكايا مشربكي
بصفقة قرن تيقسموا البلدان
صفقة قرن مجنونة عنا وارحلي
الشعب عم يثور كالبركان
والغيم عن لبلاد قرب ينجلي
والشعب يبقى للابد فرحان
.........
تحياتي....ياسين مصطفى بكري.....
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة