وحياة رسول الله
نفسي لكلامي أحرّف
نفسي اتجنن وأخرّف
ف العباسية ألاقيني مشرّف
نفسي أرقص
نفسي أرفس
نفسي أهرج
وع المهازل
أشوف واتفرج
نفسي أصرخ
نفسي أشرخ
نفسي أدخل
نفسي أخرج
نفسي ياخلق
أعلّي صوتي
من غير مااستني
لحظة موتي
نفسي أحس
نفسي أجس
نفسي أشبع
وكمان ما اخس
نفسي أحب.
أعيش،بقلب
ابقي، ضامن
إني آمن
مطمئن
مش بئن
نفسي احِن
أحب إنس
إن شاللا جن
نفسي، أكِن
نفسي، أفضل
صغير السن
نفسي، أعيشك ياحرية
نفسي، إرادة مفترية
نفسي أنصح
نفسي أشرح
أقول الحق
إن شاللا أفضح
نفسي ف عدالة
بدون ندالة
بدون وسايط
نفسي أعيش
ف الدنيا ظايط
ابقي، ظابط
ابقي رابط
ضارب كله بالقفا
بصوت يطرقع بالشفا
أبقي راضي
أبقي قاضي
ليا حكم
سيفه ماضي
ابقي حبيب
ابقي طبيب
كله نصيب
من بكره نفسي
مبقاش خايف
أبقي شايف
نفسي أكتب
نفسي مااكدب
نفسي، ياخلق
ف حاجات كتير
بس، العمر مهما طال
ياناس قصير
بعلو حسي
حققت حلم
خليته علم
إني قدرت
أقول نفسي
هشام سليم
كنج العربي
شاعر الحرافيش
الإسكندرية مصر
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة