*****
كثير زعِلِت مِنِك أعُذريني
أسامحِك والبسمة عَجبيني
مرة حاكيتِك والقَلِب زَعلان
زعِلتي مني وما تحاكيني
تأسَفت قُلتِلِك أنا نَدمان
من أجل كِلمة لا تعاديني
من سنين حبيتك انا ولهان
وانت حنان الروح تِعطيني
نسيتي وانا بالشتا بردان
استنى كلمة تا تدفيني
إفتحي قلبك أطردي الشيطان
طيفك بظله عامل شبيني
ياما بقلبك عالوتر سهران
وانت تناديني يا فضا عيني
...بقلمي..ياسين مصطفى بكري...
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة