طباعة ونشر وتوزيع ، ظهور إعلامي ، ورش أدبية
شيل عمرك ف كفك وابني قصر
من الحمام
الدير سلام
متهدهوش
بنغمة نشاز ع القنطرة
اللوز كري
والغارمين على الطريق
بيبيعوا شيح مع كسبرة
باعد ما بين حسرة وحسرة
واشتري لقمة بتنقع ف العسل
الخل وقت الضيق إدام
و الفاتحة للحضرة العلية
من المهام
شرطة تحدد فين تكون
م الإعتراض
وسكون بينحت جوا أفلام الأثر
النول مطر
بعد اكتماله بينحسر
يكفي المناعة فص توم
واللي بتحسر بزوم
والمطرقة
سندانها عاري م الهدوم
بص شمالك
أو يمينك
خلِّي جموحك ع الوتر
سهم انطلق
أو نغمة بركانها انفجر
اشترك بالعدد الجديد من مجلة القلم الورقية
للتواصل والاستعلام / 0020102376153 واتساب
عمرك مقدر زي سطر من الكلام
تقدرتوسع صفحته
ياما ضاع ف زحمة بتتفرض
نظرة أمل
زي إبرة ف شونة قش
أي أسرة عشان تكون
محتاجة عش
وحبة حظوظ ومنقلة
حوَّط على خوفك بفرحة.
مزيفة
تقسم ضهور متربصة
ومغلفة.
عمرك ما هايحس الدفا
ووراك هموم متكربجة
لو جيت تعالج سرها
فكأنها شعر البنات
من يومي لاجم صرختي
وفضلت ساكن ف السكات
العمر زي شعاع بِعدي
او أكلة بتسد ف جوعة
ها تحط إيدك ع القلم
هاتحط رجلك ع الطريق
أو
تفضل تعدد كالولايا ف الميأتم
الشاعر وحيد راغب
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة