إحتارت أنا
إحتارت أنا
إحتارت انا فى جمالك
قولى قول قول اوصف فيك
إيه انا ولا إيه يلااا قول قول
يالى الدنيا مافيهاش فى جمالك حد
ولا فيها فى دلالك حد
واحشنى صوتك وكلامك
واحشنى اشوف القمر
فى ضى إبتساماتك
يالى الورد إتخلق عشانك
بعطره يعطر لك خطواتك
دا انا شوقى سابقنى لبابك
افتح له تلاقيه أدامك
بيلاطف النبض فــ قلبك
بإحساس مايخطر أبداً على بالك
إحساس عاشق لياليك
إحساس عايش لواحدك وليك
لو مره هاتتألم يفديك
ياحبيبى ماتبعش قلب شاريك
قلب كل مناه يرضيك
ياقلبى يالى عنى غايب
قولى فين هى أراضيك
قولى وأنا أجيلك أحايل فيك
تفرحنى بحبك وبحبى أهانيك
يالى محيرنى فيك
بطل تحيرنى الله يخليك
وتعالى تعالى تعالى
فرح قلبى بيك
بقلـــــــــــمى 
الشاعرة جيهان الطنطاوى
الشاعرة جيهان الطنطاوى
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة