انا الباحث في معنى القوت
ومهما ازعق ما يوصل صوت
انا الصامت في وسط سكوت
وقطر العمر اهو بيفوت
وانا عايش كاني بموت
انا الصحراء في وسط بيوت
انا ماشي كمان برموت
يقولوا شمال اقول مبسوط
انا الغلبان وانا المقهور
انا واقف في الف طابور
وعمري ما جه عليا الدور
وانا المسموح وانا المحظور
انا الظلمه في وسط النور
انا الغرقان في وسط بحور
وانا الكلمه في وسط سطور
وانا العشه فى وسط قصور
انا الغايب ومش موجود
وانا الوافى لكل وعود
وانا اليائس بدون مردود
وحظى في الالم موعود
انا الحارس لكل حدود
واملى ابقى يوم مسنود
وكل يوم اعيش في وعود
ومش خايف ياكلنى الدود
انا المحسوب على الثوار
وقالوا عني من الاحرار
انا المنسوب الى الاشرار
وقالوا عني من الكفار
انا الكاتم كثير اسرار
وقالوا عني من الابرار
انا الساكن في الفين دار
ومملكتش خمسه اشبار
انا الحر و انا المسجون
انا المبروك وانا الملعون
انا حقيقه في وسط ظنون
وقالوا كفيف وليا عيون
وانا عنتر وانا شمشون
ساعات قاسي والف حنون
انا المذنب لكل الكون
وانا لعهدى حلفت لصون
كلمات
محمد السيد سالم — مع الشاعر جمال ابراهيم القاضي و
٩٤ آخرين
.
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة