----
فتح الهوى بابك ----يا دارنا وغنى
موال لأحبابك--------الكانو عنّا
-----
كانوا زهور الصبح---الفتّحت للشمس
وكانو شموع الفرح---النوّرت في العرس
كانوا حبايبنا----------كانو قرايبنا
وكانوا الحياة والروح---والاهل واصحابك
فتح الهوى بابك ---يا دارنا وغنى
----
اليوم فيك الهوى---خالي وفيك الالم
يا دار كنّا سوى----وكان الرضى والكرم
كانت امانينا------وكانت أغانينا
وكانت عيون الهنا---ع فوق اعتابك
فتح الهوى بابك--يا دارنا وغنى
-----
ع وين بدّنا انروح----من غير عيون وروح
فينا القلب مجروح--- وفينا الهوى مذبوح
يا دار خلينا------------نذكر ليالينا
بلكن امانينا------------بتعود لجنابك
فتح الهوى بابك------يا دارنا وغنى
---
فيك الفرح ذكرى-----وايام ما تنتسى
واليوم شو بيجرى----ظل الالم والاسى
وظلت حكاوينا-------طول الزمن فينا
الله يخلينا-----------تنعود لهدابك
فتح الهوى بابك ---يا دارنا وغني
----
مع تحيات -الشاعر-محمد الحنيني--البرازيل
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة