مات الضنى
ماشيه ومهروله
تصرخ تقول يا ضناى
حافيه وشاقه التوب
يا حصرتى وشقاى
صراخها هز البلد
خنجر وطعن فى حشاى
تصرخ والدمع سايل
رحت فين ياضناى
يا محلى مر الزمن
يا فرحتى و هناى
يا سندى فى دنيتى
وفى ضغفى انت دواى
فرقنا ياك القدر
ودمعى هان وبكاى
تهجرنى ليه يا ضناى
ترمينى لعذاب دنياى
احنا بينا عهد
تعيش العمر وياى
ارجع لحضنى ياغالى
اسمع ياحبيبى نداى
قالو ابنك رحل
عند الكريم ما جاى
صرخت وقالت مارحل
ما تزودو بلواى
ابنى راجع لفرشته
ويسمع فى عرسه غناى
يارب صبر قلبها
انت مجيب لدعاى
بقلمى الحبرى
ابو شهاب
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة