بناءً على طلب واحد من اصدقائي ياريت تنال اعجابه واعجابكم
**************
************
كنا زمان اخوات نفرح بيوم العيد
كانت قلوبنا خضار واللبس لونها جديد
والضحكة فوق الوش مرسومه
واللمه بين الناس ف الخير ملمومه
نلعب نلف الكون م الفرحه بعيديه
نجري مع الأغصان والطير معديه
والحب كان ف القلوب باين
والنور معبي الكون وسط السما زاين
والساقيه تجري برزقها تضحك
والميه وسط الأرض من نهرها تبرك
ضاعت خلاص وسط السنين فرحة عيال العيد
والهم فيها بقي شعارها بالتأكيد
والساقيه بقيت حجر بيدوس علي قلوبنا
والغدر بينا غدر والحزن دوبنا
ياه عن زمان وايام زمان
كان الفرح جوه البيبان
والعيد كمان لون الهنا
توصفلنا شكله الغيطان
*****************
عمرو تمساح ابوسفيان
تم إرسال تعليقك
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة