*********
هكتب دى الوقت حكايتى
تشهد عليها معايا مرايتى
بس الواقع حوالينا
قتل جوايا شهامتى
التضحية كانت دوامتى
طلعت الوقت منها
وعلى خدى دمعتى
العطاء كان بدايتى
اللى حصل ليا
الغدر بيا كان نهايتى
لما عرفت سكتى
كان متأخر شوية
بطئت أوى خطوتى
الواقع بقا كابوس
مش لاقى فيه فرحتى
ف اللمة والعزوة قوتى
وصلت أنا لفين
عايش أسير وحدتى
محدش سامع صرختى
محدش حاسس بيا
فى أشد أزمتى
مش أنا اللى أخترت دنيتى
مولود بالأصل جواها
ليها بكل وقت لعنتى
الوقت بسرق لآخرتى
الخير أتصعب علينا
من هنا بقا رهبتى
بين ضلوعى حرقتى
*******
بقلم
عادل جاد
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة