********
نعمل أيه بس ف الملل
فى بكرة خاب الأمل
أتشبهت كل أيامنا
الهم فاض واكتمل
للغنى والفقير شمل
الدمع ف العين محبوس
الكل على بعضه بيدوس
بنشكى لبعض حالنا
بين ضلوعنا بقا تروس
م الكل بالدنيا مهووس
الكل بغرور الدنيا مغشوش
ماشى ريشه منفوش
الدنيا بتتزاحم علينا
حوش يارب حوش
هجمة وشعرها منكوش
ده حال الإنسان
مفيش فيه إلا لسان
شاطر بس ف الكلام
عايش مع الدنيا جبان
قاقد فيها كل الأمان
حال البشر بقا يعم
ما بين نم ودم
أكتر من كدا أيه
هان علينا الدم
الإنسان ربنا سواه وعدله
من دون الخلائق كرمه
شوف وصلنا لأيه
أحنا بأيدنا بنقتله
البشر نفسه أمارة بالسوء
هية اللى له بتسوق
منتهى الكبر فينا
ينغلط ومبنجبش علينا حقوق
نبقا أحنا من أى فصيلة
لو غابت بنا الفضيلة
أحكم أنت علينا
واحنا حياتنا رزيلة
بنتوهم دنيتنا جميلة
معدناش لمة وعيلة
كله نفسى نفسى
حاضرى زى أمسى
مش فارقة معاه
كدا كدا الدنيا هتمشى
جيل بيسلم جيل
أحنا بنسلم الويل
معدناش بنبص لأودام
أحسن واحد بنا عويل
قلوبنا أمر م الصخرة
حضنا الدنيا بيعنا الإخرة
العمر بيحرى بينا
بيعدى زى ليلة وسهرة
بس الدنيا لينا قهرة
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة