وبتمشي علي ترابك
واتيمم
وأجمع كل احاسيسي
والملم
بلاقي حصنك الدافي
بيغمرني
والاقي عطرك الوافي
بيشملني
والاقي كل شئ فيكي
يطمني
واشوف صورتي
علي بابك
وانا بهمهم
وحشتيني
يازهرة كل بساتيني
يانسمة بتناغش عيني
يااصلي ياعمري
وسنيني
وحتي اللي فاضل مني
وانا بغازلك
واقول انك تقولي اني
وانتي واني كام معني
بيجمعنا ولا يسعنا
غرام الكون
ونتلون بنفس اللون
اشوفك جوه توب
اخضر
وانا بعمة لتاج درويش
ملوش غيرك مدي
ومرجع
واقول وسع ياماشي
طريق
لقلب برئ ومتيم
وجاي
بااشواق حنين سلم
وبتمشي علي ترابك
واتيمم
واجمع كل حواسيا
والملم
وهاتها جمايل يااااااااارب
شاعر الحارة المصرية
صلاح سليمان
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة