ـــــــــــــــــــــــــــــــ
مــن واقــع الشـعـب كتبت ياشـعــار
ونظـمت حـروف القصيده وشعـاري
كتبت الشعر ماهوه لكسب الانظـــار
ولا الاجــل فـــي المجتـمع إشـــهاري
حبيت أوضح رساله في غلا الإسعار
وكيف اليـمن مـــــــن غـــلا السعـاري
الشعب ميـت جـوع وحـرب ودمــار
والاجـار يريد اليوم موتي و ادمــاري
والوضع هكذا يعجب ذي هـم تجــار
اذا تطلع الصرف رفع البسكت المـاري
ماعد يخاف الله ولاهمه عذاب النار
وماعد يصلو بعـضهم إلا إجبـــــاري
أن تسأل تجار في السكر قال بدولار
منين الشعب يكسبه وحاله يعلم الباري
طوال اليوم يشغتل في اليل ونهــار
من أجل يشتري ثوب ولايجلس عاري
الصرف كــل يوم تســأل يطـلع أمـتار
والف السعودي بربع وسبعين حق جاري
الشعب ميت جوع وعيونه كما الأمطار
الله وحده يعلم حال شعبي باالسعاري
أن حل اليمن الفـرح ذاعـوه با الاخـبار
وان حل اليمن الدمار اخفو كل إخباري
اهمشي بارضي الشهــره لسرق الكبـار
والفقير مامعه عشره الف حق أيجاري
والشعب نصف الشعب حامل الجيتار
والنص منه تراه بالبندق للجبهه سـاري
هذا الشيطان يلعب معا حقنا الأفكـار
ويغويـنا با أفعاله ويشتت كـل أفكـاري
ياشعب اليمن يا البــواسل يـا الاحــرار
وحدو صفكم يا الأهل الحكمه يحراري
الحرب فـي بــــلادي كلها لعبت فــجـار
ومايريدو الخير لنا وأنا أحلف إجـباري
صارالاغتيال باليمن ماله بالقانون اعتبار
ولا حـسبو لمــوت الأطـفـال أي عـتـبـاري
ولا خير يارب فرجها علينا أنت الجبــــار
وانت كاسر كل ظالم في اليمن وجبـــاري
والختم صلو على المصطفى خير الاخيار
صلاوت ربي عليه عدد أشجار وحجــاري
كلمات /سليمان سالم عبدالوهاب صالح،،،،
٢٠٢١/١٢/١٧٠م الجمعه ديسمبر
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة