*********
فى قربك بشرب الشهد كاسات
ببعدك المرار حياتى كلها عذاب
م الشوق قلبى دقاته آهات
بحضنك مفيش لوم وعتاب
يعوض عنه آهات وتنهيدات
كأن عذاب بعدك وهم وسراب
وهبتك حبى وحنانى
شوف حبك لفين ودانى
فراقك عمل أيه بيا
الهنا بقا ليا أمانى
تملى عنى تبعد وتغيب
الشوق بقلبى نار ولهيب
وجودى بغيابك مش سعيد
ما أنت الحب والحبيب
دا أنت نور الصباح
للنهار بهج وأفراح
وأنت بعيد عنى
أسير الآه والجراح
أنا طير وأنت الجناح
أنت للورد عبير
الورد من جمالك يغير
أنا فى عشقك أسير
أنت نسيم الحياه
خصك بيه إلآله
بعدك عمل أيه فيا
الهنا عنى تاه
أقول أحبك مش كفاية
سكن حضنك كل منايا
بانسى الدنيا وأنت معايا
حبيبي يلا تعالى
نكتب للعشق أجمل حكاية
دا الشهد ببعدك مرار
حبك جنة ونار
*******
بقلم
عادل جاد
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة