من شبابيك الحياه.
مين يسمع الشكوى.
ليه الضماير ماتت.
والشر بقى أقوى.
صرخنا بأعلى صوت.
حياه دي ولاموت.
إيه هايفيد السكوت.
والباطل بقى تقوى.
من شبابيك الحياه.
عيشه وأخرها موته.
والخلق مكبوته.
ومهما قلنا أه.
قاسيه علينا الحياه.
ليه ماشيه بالمقلوب.
ولا حاجه مظبوطه.
من شبابيك الحياه.
فيه إللي المال عماه.
غضب ربي وعصاه.
وفيه إللي ربي هداه.
والجنه من مسواه.
وعرف إن الحياه.
عيشه وأخرها موته.
من شبابيك الحياه.
كلمه بين السطور.
الحق دايما منصور.
لو شمس الدنيا غابت.
جاي بعد العتمه نور
من شبابيك الحياه.
كلمات ماهر محمود.
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة