وعد ولقا ...
.. لما يملاك الوجع سلم ...
وسيب نفسك فى محراب الأنين
وارفع نداااك للى خلق واللى بريء
واهب وسالب مننا
بيكمل المكتوب لنا
ويدلنا على الطريق
الصبر مفتاح الهدى
بنحبهم ونقول يرتنا نرحلهم
لكن بقيلنا فى الحياة
حبة كلام..
حبة ملام ..
حبة وجع..
ونروح لهم ..
خوفى عليك
حالة هلع
قلب انخلع
وكأن بينا ي حبيبى
لمحة واحدة
ونفترق
وسبتنى ..
ف ليل طويل
ضعيف كفيف
واخدنا للتيه الفسيح
بندور ونسقط ف التجارب والمحن
لكن بقيلنا ف الحياة
حبة كلام
حبة ملام
حبة وجع
فجأة تدوب الازمنة
القاك حنين
من ضلمة الخوف والانين
تسرقنى ليكى الاودية
وكلام ما بنا ..
وحشتني
ويضمنى الطيف
المسافر
مني ليك
وعد ولقا
لكن بقلينا فى الحياة
حبة كلام
حبة ملام
حبة وجع
وقتها يحلا
اللقا...
كلمات محمود اليمنى
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة