حبيبي بشتاق لك ساعات
والعمر كام لحظه سكات
وبدعي رب الكون حاجات
والقلب مشحون بحكايات
انا بدعي ساعه تضمنا
احلامنا توصل للسما
لحظه صفاء مع نفسنا
مين فينا فاكر حبنا
زمن العجايب يازمن
اشواقنا غابت والأمل
والمال ده صايد والالم
والكل عايب ع الزمن
وبنمشي والضهر اتقسم
بنعاني من وجع اترسم
ع الوجه والايد واندفن
والهجر في حياتنا قسم
وبننسي في قلوبنا شجن
من امته ضيعنا الكلم
زمن العجايب يازمن
الفرح باهت في الدموع
والغفوة طبع بدون سطوع
والحب تنقاد له الشموع
بقي كله تايه في الدروع
والحال مصيره للعدم
حتي اللي غايب اتردم
ملعون في كل كتاب علم
لما ندور ع الشحن
والحلم بقي ماضي والم
فاضيين لكام كلمة قلم
حتي الصحاب زي العلم
تمثال وصامد من زمن
موحول وعايش في الندم
زمن الحبايب و اترجم
ولاعاد طريق ولاعاد صنم
ولا حد فاكر غير محن
غير حزن وشويه شجن
والحقد عشش فى الضلوع
والكره بقي عادة وشروع
ولافي وفاء ولا في رجوع
غير ماضي وقيراط من ملل
وعيشنا بقي ياكله الغنم
وبنصحي ونبات ع النمم
وسباع بتنحت في السحر
وشراع خطاوي ع البحر
والقلب ابيض وانتحر
والنور علي وجه القمر
فوق خد تفاح من وهن
وعيون بتنظر ع المنن
علي ورد طارح في الغيطان
والخصر والاد الملان
وتشوفه توصف للجيران
عود اخصرملفوف في الكمان
وزينه مرسومه ع البيبان
ينفاتله ميادين الجمال
بركان ورافع كام حصان
ولاله صهيل ولاله لجام
ونهاره شمس وليله بان
زمن العجايب يازمن
٠
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة