____________
ايام معشنهاش وسنين عدت مفرحناش
عشنا سنين وسنين
ومخدناش من الدنيا حاجه
راحه مرتحناش كله ف همه
وكل همه يعيش ومش عاش
بيدور ع السعاد
بيدور على حاجه ميعرفهاش
السعاده مش ضحكه وابتسامه
السعاده حد يحبك بأمانه
ويحس بيك ويرضيك
مش ف وشك بابتسامه
من وراك بيدبح فيك
عيشه معشنهاش
العمر سرقنا والايام غدرت بينا
وحطينا خدنا على ايدينا
منتظرين يودعونا
بنام ونقوم ع الهموم
مفيش حد بيك مهموم
شوف اللى يسعدك واعملوا
اللى بيقع محدش بيتحملوا
ماتقلش عيشه معشنهاش
سنين مفرحناش
شيل على قدك وعيش
عايز تحقق حلمك على نفسك متحملهاش
واللى ميتعملش ...ميتعملش
وعيش سعيد باللى اتقسملك ومتتوسعش
السعاده بين ايدينا
الشمس بطلع لغيرنا ولينا
اللى بيطلع بيشوفها
اللى مختفى مبيشفهاش
واهه عيشه نعيشها أو منعشهاش
احنا اللى بنسيب الدنيا هى مبتسبناش
عيش واسعد نفسك لاما متعشهاش
________________
اشرف سلامه حموده
٢٠٢١/١٢م
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة