منديل ورق
دمه اتحرق
لما الادين سحبوه و رموه..
..
لا منه شال قطرة عرق
و لا مسح
حبة تراب من ع الوجوه..
..
و ف لحظه شاف
عمره اتسرق..
و من الحياه دوره لاغوه..
..
منديل و نفسه
يكون له دور..
..
رافض غيطان عمره تبور..
..
ياللى انت خطك لسه
ما حضنش السطور..
..
انفد بعمرك م الغرق
و افرض وجودك على
كل اللى بيرفضوه..
..
منديل ورق
دمه اتحرق
لما الادين سحبوه و رموه..
..
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة