ضاع ميزان العدل تاه
جوه زحمة الحياة.
هدّو حيلهم الجسور .
قصوا أجنحة النسور ...
حجر كان ولا احتكار ..
في كل أنظمة القرار. ...
للي ساكن واللى سافر ..
.واللى بيفكر يهاجر.
واللي عيشته بقت مرار .
الشوارع هم حزن ف النهار ...
وليلها طافح دمع نار
صاحيه يمكن العقول .
فاهمه ولا لسه في ذهول ..
اتلهيتي بالرغيف.....
وزنه زي الريش خفيف .
اتلهيتي باللي باع .
واللي شاري عمر ضاع .
يبني في أحلام مفيش.
سهل ابني عمري كله ..
سهل يجي الموج يجره
هد واقتل حي سادس .
حي سابع .....
وابني عليي في مدينه .
هدّ مكس وابني مينا .
هدّ احلامنا الحزينه .
اوعى تنسى الدخيلة.
حطم اسوارها البخيلة
وابني عليي في مدينة ..
اسوارها عاليه علينا
لسه يا أمه بتدعي لينا .
لسه في الليل بتنادينا ..
رغم ريحة الخيانه .
والشوارب الجبانه ....
اللي مرسومه بأمانه.
دافعي مرة يا مدينة.
ارفعي ظلم الضغينه.
ميسون محمد
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة