قالوا علي الحق ظالم وغلطان
وع الباطل قالوا عليه غلبان
وضاعت الحقيقه بين منافق وكذاب
واللي بينصروا باطل و نصاب
ملاعين بينشروا الفساد والإجرام
إنصروا الحق ولو كان ضد جبار
الله أكبر علي كل ظالم مهما كان
فين راحت الرجوله والشهامه
الكداب هيفضل عايش في ندامه
والعدل صاح وقال فين الرجال
إبكي ياعيني علي ولاد البلد
والوشوش إتغيرت لما المستخبي بان
والحقيقه ظهرت والكدب طلع أشكال وألوان
الظالم ظلم علشان الحق غاب والعدل راح
ياناكرين الحقيقه ليه تخلوا الدنيا جراح
ونبقي عايشين في غابه
وسط وحوش سعرانه وديابه
والآمان يتحول غدر وخيانه
الضمير مات لما ضاعت كلمة الشرف والأمانه
إيه اللي حصل يآللي بالإسم إسمكم ناس
وفين الناس اللي كان معدنهم دهب وماس
ياللي عايشين بين الناس من غير إحساس
لا ليكم أصل ولا ليكم أساس
ليل ونهار بتنافقوا وتاكلوا بعضكم
والدنيا شغلتكم وزودت همكم
لاراضين بحالكم ولا حامدين ربكم
ولما كلمة الحق ضاعت بينكم زالت البركه من وشكم
ليه تغيروا طبعكم والخوف يتملك منكم
وتنكروا الحقيقه ومش مكسوفين من نفسكم
بتقولوا علي اهل الباطل غاليين عندكم
واللي يقول الحقيقه يبقي غريب عنكم
الأماكن اللي كانت فرحانه صبحت بيكم حزينه
واللي يقول كلمة الحق بالنسبالكم تبقي جريمه
والنفوس صبحت ضعيفه وكل همها المصالح
عايزين المظلوم يتظلم ويفضل يسامح
المحبه ماتت جواكم والكل صبح بكام
والمنافق يفضل يطبل وتسمعولوا الكلام
وراحت الدنيا الحلوه وصبحت ظلام
وغابت الضحكه اللي كانت في قلوبنا زمان
فين الطيبه اللي كانت منوره وشوش اهلها
وفين الناس اللي كانت بتشكي لبعض همها
الجار خان جاره ومبقاش جار
بعد ماكان.مفتوح له باب الدار
لافيه باب ولا فيه جدار
والجار صبح مش عارف اسم جاره
جار شبعان وجار جعان بيبكي علي حاله
وجار عامل زيطه وناصب افراحه
وجار بيشكي ألآمه من كتر اوجاعه
وجار بيبكي ومحدش حاسس جراحه
انصر الحق واوعي تعيش جبان
وإلّْعن الظلم والباطل ليه تعيش ندمان
عمر الحرام ماراح يصبح أبداً حلال
والحرامي مهما كبر في مكانه ماراح يعيش مرتاح البال
أقسمت برب الكون و العباد
كلمة الحق علي لساني هيا اللي تتقال
وازاي اخاف من أي انسان إتخلق
وأغّْضِبّْ رب الكون اللي خلق
دآ الحق حق وهيفضل حق ليوم الدين
واللي ناكرين للحقيقه هما اللي شياطين ملاعين
خواطر ( أشرف الدغيدي)
حقوق النشر محفوظة
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة