)***
كُنت صغير يا أمي وأحِبِك
كُل يوم لَصَدرِك إضُميني
كلُ يوم أكبَر أدخُل لقَلبِك
حِنية كُنتِ كثير تعطيني
كُنتِ أميرة الفَضِل لاهلِك
يَلي ربوكي وعَم ترَبيني
الشَمس صارَت تِشرِق لاجلك
لما مرِضِت كُنتِ تِداويني
والحَم كُنتِ تعِسي في كَفِك
وقت السخونة مي تِسقيني
والبَسمة حُلوة كثير تِلبَقلِك
وقت المَرَض كانَت بتِشفيني
حلوة وأصيلة الحلى في عقلِك
بحُضُن دافي عم تآويني
بيي بِحُبك إحتَرَم قَدرِك
وإنتِ عَدَرب الخير تِهديني
والبَلد كلها كانت تعِزِك
يا تاج ومرَصَع على جبيني
ياما نزِلتي السهل عا مهلِك
تِشتِغلي في أرض البَساتيني
والزَهِر كُله تعَربَش يشِمِك
جوري وفل ومعه ياسميني
والنَحِل صار يحوم مع جَنبِك
شايف عَخَدِك عَسل تِشريني
غار البَدر لما لَظَح وَجهِك
بحُب الوَطَن كنتي تغَذيني
كل يوم كنتِ تصَلي لرَبِك
تحبي الجيران وأنا تحبيني
بتذَكَرِك والرحمه لروحِك
وبجَنِة الباري إنتِظريني
يا أمي انتِ الروح جَرَبتِك
فتي لقَلبي عم تُسكنيني
كُل أم بالدنيا هي أمي
ما يوم انساكِ وتِنسيني
...بقلمي..ياسين مصطفى بكري....
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة