ناجح شرقاوي : {نسيت أقولله}

ه‍ــ أقابله.. 

وأول ما أقابله هــ أقولله

على اللى خبيته عنه كله 

هسلم عليه، و تقولله إيديا، وحشاني ايديه

وابص في عينه، وتقولله عينيا: واحشتني عينيه

هقولله، على اللى في قلبي متخبي

واقولله: في غيابك الشوق معذبني

مقصدش الومك، بس انا ايه ذنبي؟ 

البعد عني حرام، خليك هنا جنبي

قابلته..

وأول ما شوفته، وسلمت عليه

نسيت غيابه، وشوقي وعذابه

سمعت صوته، ورقة كلامه

جريت عليه

وشوفت ابتسامته، ولمعة عينيه

نسيت كلامي اللى عايز أقوله

وفضلت أتأمل بس فـ سكوته

حسيت إني وصلت لمرادي

لمست قلبه بقربي منه

وشوفت حبه

باين في شوقه، وفرحة عينيه

هأقابله تاني، والمرة دي مش هنسى أقولله:

إني بحبه، وهو ليا العمر كله.