فكهاني وحظي معاند
والفقر عليه انا شادد
ومعايا كل الفاكهة
تفاح وياه الموز
وخوخ ومشمش وياه
والكل خلاص هيبوظ
قاعد مستني زباين
مش لاقي حد يعوز
والكل ضاربلي البوز
أناناس ومعايا الكيوي
ومعايا البلح السيوي
بس الدنيا دي حظوظ
آه ياني أعمل إيه
في المانجه بكل اشكالها
عويسي وسنارة وذبده
ومانجة قد الكوز
بس فينكم يا زباين
برتقال بلدي ويوسف
وأبوسره حجمه كبير
مسكر وطعمه خطير
بس الدنيادي حظوظ
واخد على خاطري أنا منكم
زروني يا ناس دا حرام
أنا ليكم أكون خدام
طلباتكم عندي أوامر
واللي هيجيني محظوظ
يشتري مني ويفوز
قبل بضاعتي ماتبوظ
بقلمي
صلاح شعبان الفيداوي
القاهرة
١٥/٥/٢٠٢٢
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة