*************
تبص شمال تبص يمين
تلاقينا نسينا يوم الدين
تبص تحت تبص لفوق
تلاقى الكل لله محقوق
بنبى ونعلى ف القصور
الفحش بوجودنا بحور
الظلام بقا شبه النور
حالنا مع الله بقصور
بقينا زى الفراش
حوالين النار نلف ونحوم
الكل م الهنا محروم
محدش راضى بالمقسوم
بنسيب هم نلاقى هموم
مفيش ولا قلب حنون
أزاى يبقا بالدنيا متاع
واحنا عيشنيها بصراع
مفيش للنداء الحق سماع
تمشى سريع تمشى بطئ
الدتيا طريق عليك بيضيق
تعيش حزين تعيش سعيد
الموت عنك مش بعيد
دا هو ليك قدر ووعيد
يعنى م الآخر
الشيطان بيك بيتفاخر
هو من فعلك ساخر
ماتيجى نتعلم ماللى راح
نتسى الآسى والجراح
نبدر بوجودنا السماح
يبقا عن حالنا برجوع
من أمتى بس الدموع
بداوى القلب الموجوع
عشان وجودنا يبقا فالح
لازم مع النفس نتصالح
امتى البر والاحسان يعود
وصل الرحم يبقا موجود
يارب ياعالم بالحال
أكفينا شر فتنة المال
وحقق لآخرتنا الأمال
باعد بينا وبين النار
نبقا برضاك م الأخيار
********
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة