Hossam Bakheet يصيح : ما تعقَدوهاش

ا،ن كان ع المركب و المَرسى

ربَك موجود 

و البحر كبير مليون فرصة 

و مالوهش حدود 

و البَر اّهو سيبناه اّهو ليكو

لَتدُقو خيامكو و مراسيكو

و تراقبو الطير 

و الموج العالي امَّا بيكسَر

بيوَطِي و يُحضُن خطاويكو

و يوزع خير 

علمني جِدي الشيخ جابر 

الرزق بيتحِسِب الاّخِر 

لَتلِم الشَبَكة وتتاخِر 

عن بَص  الغير 

ا،صحى يا محمود 

و صباح الفُل يا فتحية 

ده مابين صيَّاد و مراكبية

السَمَكة بِتطلَع م المَيَّه 

تحلِف ما تعود 

طب ليه ف حياتنا بنتاخِر 

عن رِزق بيتحِسِب الاّخِر 

ده البَحر كبير و مالوش اّخِر 

و ما يتلَمِش ف بنوك و سدود .

حسام بخيت