قلمي بيكتب ألمك شوف
حتى اّهو منك مش مكسوف
بس افهمني أعمل معروف
أنت الباقي و هما ضيوف
شُق طريقك من جوّاك
لازم حقك يبقى معاك
بكرة اّهو واقف يستناك
حلمك اّهو على مَد الشوف
مِد جسورك أوعى تخاف
لا يقولوا ف حقك خوّاف
ويقولوا لاهو دِري ولا شاف
وانا عارفك دايماً بتشوف
حقك ناقص عمّا يكون
عجز ف طاقة ١٠٠ مليون
ا،بني و عَمّر واملا الكون
واقطف خيرك ملو كفوف
متقوليش ماهو أصل ظروف
و ندورها رِضا و مصاريف
ألمك يغني عن التعريف
قلمي بيكتب ع المكشوف
قلمي بيكتب ألمك شوف
حتى اّهو منك مش مكسوف
بس افهمني أعمل معروف
أنت الباقي و هما ضيوف.
شعر
حسام بخيت
.jpg)
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة