أرى أرى أرى أيه ؟
أرى أرى أراجوز
ترى ترى ترى أيه؟
ترى ترى تراتيش
تراتيش بيشوف
فين قُدامُه
فارس و جريء
و ف أحلامه
بيشوف بلى أيه؟
بلى بلا قافية
الشمس بِتطلّع بالعافية
و الليل بيلَيِّل خُدامُه
و بيُطرد ناس
بِلا بِلا رحمة
على برد الشارع و الزحمة
ياما ناس بتَّيِّس م اللحمة
دي عجول و بتاكل م الفول
و الفول بروتينَّا
وطِلع ميتنَّا
يسألوا عن دينَّا
يمكن هندوس
علماني يجوز
ضحك الأراجوز
جوَّه البرواز
قلت له ف الصورة ؟
قالِّي و ف الكورة
مطرح ما باعوز
مانا أنا أراجوز .
حسام بخيت
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة