وقت المغارب
لمحت لمه جميله
والوجه صايم ضاحك
داعى مستغفر ربه
يغفرله ذنبه
ويعلى شأن الأوطان
واتمنيت اعيش العمر وياهم
تحت القمرايه
ونشرب من ريق النيل
ونتمشى متجمعين
تحت النجم
فى تحرير الأوطان
قلب واحد رجل واحد
ولا شئ يفرقنا
وإسمع مواويل
تهمس فى جرحى همس
تسحبنى لفرحه البس توب النصر
ياما نفسى اشوف الشمس
وقمر الضهر على أوطانى
واوطانكم طالعين
وأشوف أهلى. وخلانى
المتغربين.راجعين
لحضن الوطن تانى
ولاشى يعكر صفونا
ولا يفرق يوم جمعنا
واقولكم عيد سعيد
على اللمه الجميله
سنه حلوه على الخير اللى فينا
سنه حلوه على قلوب صافيه
طايره بينا
رمضان الخير فيه
والنصر دايما ليه
وفرحه قلوبنا تناديه
و قرأنا نزل فيه
ف الفؤاد.قايده شموعه
يزيح من حلق البكا
ظلم اشتكى مر السنين
وبعده عيد فطر مبارك
ويا رب عيد سعيد
على أمه نبينا الحبيب
محمدأ
بقلمى/سميه نور الدين
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة