السكوت فى حرم الجمال ..جمال
والهمس فى ودان الجميل..دلال
اقرا حكاية عاشق
دمعة على الخدود ..سال
ومنين يجيب الدوا
وطبيب القلوب ..قال
نظرة وهمسة ولمسة
وكلمة حب
هتخلى العمر موال
تسمحيلى
اخطى سورك..واعدى جسورك
واعيش جسورك
واستوطنك ..واحتل قلبك
ولا يوم اخونك ولا اطعنك
دة انا اسيرك ..واسير عيونك
ياجنون حبى..انا مجنونك
ادينى تاشيرة دخول واقامة
لقلبك
ياجميلة القد والقامة
وان خالفتك يوم
انا اللى هقول
مع السلامة
سلمت واستسلمت
والراية البيضا رفعتها
وانا المهزوم
علشانك اعادى الكون
ومش هقبل حمامة سلام بنا
غير الماذون
ياللى مهرك عندى تبر
بميزان حساس موزون
دة انتى اللى فى القلب
اسرتينى
وانا سابيتك..وعمرى ماسبيتك
واوعدك لااهجرك
ولا يوم اسيب بيتك
صدقينى
ووعد الحر دين
لااجرحك ولا اوجعك
ولا يوم اودعك
واطوف على محاسنك
ومحراب جمالك وحسنك
وازور والزيارة واجب
والمس رمش العين والحاجب
ياام الدلال والخفة
غزال على الارض ماشى
بيدلع ويتعاجب
ياناس
دة جرح الحب نار
ياما ناس ضحكت
وناس بكت
وناس شربت مرار
ياترى احنا مين فيهم
انا اللى طرح وردى
شوك وصبار
بقلم
محمد يونس
.jpg)
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة