و بتمنى
و صوت الجوع
جواد جامح...
...
براقب الشمس
و استنى
يبان لغروب ضيها
ملامح..
...
و لما خيوطها اتلمت
و قامت
و ع السفر همت...
...
جريت على لقمه
شايلاها
لكن الفرحه ما تمت...
...
جه ابن آدم
بقوة ماليها الضعف
و مد إديه...
...
على اللقمه اللى مش
ماليه صوابع الكف
سبقنى عليها
ابن الايه...
...
نونوت من غيظى
بدل المره مره و الف
لا شافنى ولا
صعبت عليه...
...
و رغم المر فى طعم الجوع
لاقتنى بغير الموضوع
و كمان فى حقى بتسامح...
...
و راح من عينى طعم النوم
و من تانى نويت الصوم
و عقلى فى لقمه بات طامح...
...
صايمه طول اليوم و بتمنى
و صوت الجوع جواد جامح...
...
#خالدعبدالمعطى
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة