راح الحب والحبيب
الحنان بقا عنى بعيد
أيه يكون بس الإنسان
من غير حب وحنان
عايش بالدنيا وحيد
بوجودى كله غريب
من غيرك ياأمى
أيه بس أكون
وجودى كله سكون
قلبى ملوه هموم
دمعى محبوس بالعيون
مفيش عن الحق سكوت
لازم الوقت فيه أخوض
مقامك بنا ياأمى عالى
هجرنى بعدك كل غالى
كنت عزوتنا ولمتنا
تعالى شوفى بيتنا
حاله صمت وظلام
مفيش طعم للطعام
جعان زى شبعان
غاب بوجودى الأمان
غاب بقلبى الأبتسام
خلاص راح اللى راح
اللى جاى كله جراح
الموت ميعرفش السماح
ده سنة الحياه والوجود
الإنسان مولود أبن موت
اللى بيهون عليا الأيام
أسجد واركع بكل آوان
بدعليك الجنة ليك مكان
**********
بقلم
عادل جاد
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة