شفت الفرحه لما تلمع جوه عيونك
طريق الحب ورد مرسوم ينور ليلك
يوم ماتضم قلب حزين بلسمه ايدك
تمسح منه تعب سنين.وقهر ليالى حزين
يوم ماتكشر وترسم على وشك
غدر وويل تقتل فيه إحساسه ..
وهويته وأهله وناسه
وتبذر طريق شوك
وويل يسهر ليلك
ويدعى بقلب عليك
فيه نار قايده
ولاانت على بالك
عايش خالى البال مرتاح
فأكر نفسك والى صالح ..
.وانت ريش قلب مافيش
حتى النخوه ماتت فيك
.دارى عنيك بكره الأيام
تجى عليك وتبكيك
هاتفتكر قلب قسيت عليه
ورميته ف النار بإديك
ده لو فضل قلبك فيك. .
وضميرك كان لسه بيصحيك
غمى عنيك وافتح بابك
للى مش ليك ولا يوم صانك
ليه تستنى تتلف فكفنك
وتشوف مين بكى عليك
من قلبه ومين دمعته
غش وتزوير بعد فوات الوقت
مين هايحميك من ربك مين
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة