مش كنت تقوللي من الأول
إنك يوم عني هتتحول
وإن حكايتي معاك مش دايمة
قصة قَصِيرة ومش هتطول
لو قلتلي لعملت حسابي
وما كنتش ضيعت شبابي
كنت قفلت الباب على قلبي
ما فتحتش شباكي وبابي
كنت حاسبها وناوي النية
بس انا كنت غشيمة شوية
لما عينيك كت تيجي ف عيني
كان نظرتها رصاصة قوية
ياما قالولي كتير الناس
قبل ما تيجي الفأس في الراس
لكن كنت أضحك على روحي
واستغفر وأقول وسواس
أصل القلب اما يكون صافي
والحب أما يكون متعافي
ما يفكرش ف أي خيانة
ف عز البرد بيفضل دافي
ليه القلب اما يكون طيب ؟
بيعايروه الناس وِتْعَيِّب
اما القلب أما يكون قاسي
بيبقى لكل الخلق قريب
يا خسارتك في الحب يا قلبي
كنت فاكرهم كل حبايبي
الغدر وطعنته وعذابه
كان قسمتي م الحب ونايبي
الغدر وطعنته وعذابه
كان قسمتي م الحب ونايبي
بِقَلَمِي الشَّاعِر جَمَال زَكِي عِينَر
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة