الشاعر جمال زكى عينر يستدرك : "على فِكرة "

على فكرة احسن من على سهوة 

تطلبلي شاي راح اجيبلك قهوة

بلاش مباغتة وبلاش مفاجأة

من همسة اطُب وف ثانية أهوى

إديني فرصة وإديني فِكرة

أشوف ظروفي وأرد بُكرة

عشان حكايتي معاك تِطَوِّل

وتبقى قصة للغير وذكرى

عرفني أبلن ما تجيني

من غير ميعاد وتسهيني

بلاش تشوفني على حقيقتي

وتلمح الدمع ف عيني

عايزاك تشوفني ف أحسن حال

ولا تشغل الفكر ولا البال

وأبقى ليك أنا كل الكون

وتبقى ليا العم وخال

الفكرة احسن م السهوة

عشان ما يبقاش فيه لهوه

بتظبط الدنيا ف عيني

بتخلي للأحباب زهوة

على فكرة برضُه انا راح أقوللك

أنا عمري كله ما راح أمِلَّك

وإن خدت على خاطرك مني

وما جيتشي يوم أنا حندهلك