★★★
أيه بس يابلد اللى حصل
الفشل ف اللهو حتى وصل
المصران أتنفخ م الهم واكل البصل
كل حاكم بتقدمنا ونهضتنا فشل
دا الهدوم م الوسخ بتتغسل
والتخلف على قلوبنا زى العسل
أمتى بس ع الجهل نتنصر
ونحس قبل مانموت ان احنا بشر
يوم ورا يوم الهم بيزيد
مفيش فيكى يابلد جديد
بيسوقنا للتخلف بايد من حديد
المبسوط كتير بالبلد مبسوط
وكتير كتير من بكرة مخضوض
وفيه اللى م الجوع والمرض بيموت
لاصحة ولاتعليم هيجى منين النعيم
وانت يابلد مفيش فيكى شيئ سليم
أمتى بس يابلد الحال يروق
لو العيب فيا انا محقوق
بس ازاى وانا حقى مسروق
يابلد أنت ليكى ناس وناس
ناس مشية بتدوس ع الماس
وناس الفقر عليها داس
يابلد خلى عندك عدل واحساس
الفقير راح فى خبر كان خلاص
مهو اصله موش لاقى منك أخلاص
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة