،،
برغم البعد ال قتلنى
والشوق ال دبحنى
والخوف م المجهول
شايفك بالفستان والزفة
شايفك رقة وجميلة وخفة
شايفك نور يملأ الكون
مشتاقلك وبلهفة
وزمانى واخدنى و طاير
بيلف الدنيا ميت لفة
وارجع والاقيكى ساجدة
فى محرابك ورافعة ايديك بتدعى
يارب كن ضمينى فى يوم الزحمة
وتمرر سنين وسنين
واحنا البعض فى كل أوان
والضحكة عالية ومسمعه
والبسمة فى كل اذان
وفى لحظة خوف
وكمان غفلة
ضاعت كل الامانى
ورجعت أعاتب زمانى
ليه تجرحنا
ليه تكسرنا
وتفرق بين حبيبين
احلم وقول راجع
راجع ازاى انت فى سكرة
واصلى صلاة من غير سجدة
وادفن حلم بنيتة معاك
هى دى تبقى الاخرة
وأفضل عايش بالذكرى
برغم البعد ال قتلنى
ومزق قلبي كام حتة
أنا شهدت زمانى ومكانى
انى أعيش أتكلم عنك
واحكى حكاوى فى يوم جمعتنا
واصبر نفسى إنك ساكن جوة فى قلبى
رغم البعد ال قتلنى
رغم الشوق ال دبحنى
هفضل فاكرك ليوم الدين
ربك يجمعنا
يارب فى الجنة
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة