و يجري العمر و يسافر ...... بدون ترتيب
وتنسانا حاجات حلوة .. وحاجات بتغيب
ونلقى ضهرنا الواقف ......... بقى محنى
ونلقى نفسنا فجأه .......... ملانا الشيب
.
أمانه يابني ...... يوم ما اكبر
تكون ف الشده دي ... جملي
ويوم ما احزن .. تكون عيدي
ويوم أضعف ..... تكون إيدي
ويوم ما ايأس ... تكون أملي
.
أنا اللي ف الصغر .. شيلتك
وانا اللي ب دمي .. كبرتك وشوفت الويل
.
خدتني الدنيا 100 لفه ...... وملتني جراح
وعشت العمر بتكفى ........... عشان ترتاح
عشان مااشوفكشي يوم عايز ... وانا عاجز
تضيق الدنيا فعنيا لكن فعنيك اشوفها براح
.
و ماتحوجنيش ياابني .. فيوم ابدا
ل حد ف دنيتي ... غيرك
وتبقى ف ضلمتي نوري ...... وتبقى الصحبه واللمه
وتبقى ف مرضي دكتوري .. وتبقى الحضن والضمه
ويوم ما الدنيا تكسرني
او الموت يختارني
تكون دعوه تنور قبري
.
زماااان يابني ...
زمان ....... كان الضعيف انت
وانا بستقوى ....... من أجلك
وبكره اكبر قوي .... وأضعف
واكون ف الضعف محتاجلك
.
أمانه يابني يوم ما اكبر ماتوجعنيش
وخد بالك من الكلمه وماتجرحنيش ..
أمانه يابني ........ يوم مااكبر
وتفضى الدنيا ...........حواليا
ويهرب ......... كل شيئ مني
ويضعف ........ كل شيئ فيا
تشيلني ...... ف قلبك الطيب
و ماتسبنيش ... منين ماتكون
وتبقالي السند ........... يابني
وتبقالي ...... الأمان ف الكون
أمانه يابني ........ من فضلك
تكونلي ساعتها ..قلب حنون
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة