عادل جاد
يكتب : ياخسارة .. ياأمة ... الأسلام
******************
حياتى دوامة من العذاب
يوم عن يوم وجعى زاد
الوجود بيا خلاص ضاق
مش عارف للهنا ميعاد
حياتى بحر عكر ماراق
انا والحب تملى بعاد
محققتش بالحب المراد
أوهبه أجنى ندم وآهات
بس أملى فيه ماخاب
العمر عدى شعرى شاب
بالأمل لسة قلبى شباب
مع اليأس تملى بجهاد
معاه بحرب وجوالات
هزمنى سوء الاخلاق
طبع البشر كله نفاق
للدنيا بصراع وخناق
مفيش بنا رضا ووفاق
أختارنا طريق الشقاء
نصرى لسة لله دعاء
لسة بنرفع أيدنا للسماء
لسة فيه للآذان نداء
البعد عن الله ده وباء
ذكر الله والصلاة الشفاء
بأيدنا أغتلنا اى أمان
المسلم حاله بقا مهان
عشان بيجرى ورا المال
ساب للست اللجام
سلمها سلاح للشيطان
لبسها أحقر م العريان
ياخسارة ياامة الأسلام
عارفين ليه حالنا مال
ليه أختل بوجودنا الميزان
صاحب المال قدوة وأمام
الشيطان فينا شمتان
بيطلع لينا لسان ولسان
ع المسلم يلا السلام
حاله ساء بكل البلدان
بالذمة دى حياه
والحق ف الباطل تاه
الفحش بنا وصل منتهاه
مفيش لله حساب ومبالاه
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة