معقول دلوقتي جايه
تقولي أنا المسطول
وإنت اللي بايته
تصبي في المنقوع
كل أما ازق الكاس
تقوليلي زود ده
وشربت منك
لما خر الكوع
مليت كاسات
المر من ايدك
وكل أما أقول توبه
وقوفي على بابك
ب ألاقي عشانك
توبتي ناويه رجوع
سحرالي سحر أسود
مقدرش يوم أبعد
ورغم إن سُمك
في العسل باين
إلا إني مش خاين
ومش هاين عليا
أجرح في يوم قلبك
ملعون أبو حُبك
سقياني بيه المر
وبيجري بينا العمر
وإنتِ ولا حاسه
ملعون ابو حُبك
سقياني بيه الويل
وكل يوم بلقاكي
بحال غريب عن حال
كل أما أقرب تبعدي
وبتخوني مهما بتوعدي
لما إستويت
وبسامح بس أنا مش بنسى
ومش هنسى في ليلة إنك خونتي
كام مره يا حلوه إنتِ وعدتي
وتقولي نسيت
وبسامح بس أنا مش بنسى
ومش هنسى في ليلة إنك خونتي
أصل أنا حبيت
وطبيعي أنا قلبي بيوجعني
وطبيعي الحب هيمنعني
إن أجي عليكِ في يوم أقسى
أو أقول حنيت
هجر بهجر وبعد ببعد
وهكتب ليه حروف
اسمك بماء الورد
يا خاينه العهد
وشاقه فؤادي ب السكاكين
ما بين ملايين جموع الناس
بدون إحساس ولا رحمه
أنا إختارتك في وسط الزحمه
رغم الساحه مليانه
وساحتك والله كات فاضيه
ومش راضيه بحُبي الجد
حبيتك حتي أبعد حد
بنيتلك قصر في ضلوعي
وحطيتك بعد مليون سد
حرقت صوابعي زي الشمع
ينوروا ليلك العتمه
ويدفوكي عز البرد
وإنتِ زي حجر النرد
عايشه الدنيا لف ودور
وفاكره نفسك إنك حور
ملاك ونازلي م الجنه
وأنا الواد اللي قلبه حديد
ما حسش مره ولا بيلين
أنا الواد اللي أصله شيطان
رغم إني عجين من طين
أنا الواد اللي كاسر قلبك
رغم يوماتي أبات مكسور
أنا الواد اللي مش معذووور
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة