انا هربان من الدنيا
انا هربان من الإنسان
كترت وياهم أحزانى
والدمع طريق خلانى
الدنياكترت كترت فيه الغربان
على مدد الشوف
كان نفسى أشوف
الفرح ..كان نفسى
اعيش إنسان..وأحلم
صبح الحلم من الأوهام
صبح ف بير النسيان
طار من عينى كماالدخان
واقول إمتى ترجع ليالى
زمان
ضاعت حياتى ويا القسوه
ويا الضلال ويا الحرمان
ليه غيرتوا طعم الحياه
ليه خطاوينا كلها ألام
مركبكم ليه سايقها شيطان
ليه الغدر صبح كتاب
ليه الظلم هو إللى ساد
ليه الشيطان قفل
عليك كل البيبان
حبس الهوا ف الشريان
بدل الإخلاق والدين
حتى المظهر بقى حزين
انا هربان..من الدنيا
انا هربان من الإنسان
خلا قلبى كسيح
خلانى بقايا روح
الدمع مكتوب منين م اروح
امسك كتاب الذكريات
افتكر كل اللى فات
اشوف دمى سايل
على صدرى
اشوف هموم مكتوبه
على عمرى
اشوف خيالات ف الشوارع والحارات
احزن على شمسى
كنت بشوف فيها نفسى
كان يطل منها حلمى
غابت وم باقى غير ضلى
حتى قمرى يبصلى
حزين على قلبى
وفرحه شبابى و عمرى
انا هربان من الدنيا
أنا هربان من الإنسان وفايت سكتى وراحل
أنا هربان من الأحزان
من كسره قلبى
من المر ف.كاسى.
يامين عنده ياخدنى.
يارب عندك أحضنى
ولايوم تولى علي ظالم كفايه كسره قلبى وكترت
علي المظالم
إمضاء....هربان. من الدنيا من الإنسان
بقلمى سميه نور الدين محمد
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة