صحيح انا شعري إبيَّض وشاب
وماعادش ولا شعراية سودة
لكن بقلبي انا لسه شباب
ولسه بلبس ع الموضة
ما دمت بقدر اتنفِّس
وبقدر امشي ولو خطوة
أحس ليه إني معَجِّز
مَيِّت بدَّوَر على متوَى
ليه نخلي دنيتنا الغَالبَة
وإحنا اللي نقدر نغلِبها
ياما عشنا فيها ظروف صعبة
نعدل في مايلة وتقلبها
لكن ما كانش يصيبنا اليأس
وكنا بنعيش ونواصل
بعد الضلام كت تطلع شمس
والعيشة كت تحصيل حاصل
صغار كبار كده او شَايبين
رضينا بيها أو مش راضيين
حنعيشها برضه بعرض وطول
آخرتها كله دفين الطين
حنعيشها برضه بعرض وطول
آخرتها كله دفين الطين
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة