*****
حَبيت الجَبَل والتَل فيكي فلسطين
حَبيت السما زَرقاء شَوقني الحَنين
حَبيت مَوج البَحر والشَط الامين
حَبيت يافا وبِعنَتي مَعهم جِنين
حَبيت سوريا وجولاني الحَزين
بلاد فيها الروح زَهر الياسَمين
حَبيت العراق.. الشَعب فيُّ رَزين
ولُبنان أجمَل بَلَد مَرفوع الجَبين
حَبيت كل العرب كُل الطَيبين
ما بِركعوا إلا إلى الرب المُعين
حَبيت شَعبي كثير حُبي من سنين
الحُب عِندي إنوَجَد جوى بالجَنين
كلمات بَحكي يِسمَعوها الحاضرين
جوى بحُروفي إنوَجَد كَنزي الثَمين
حَبيت عُصفورة تغَرِد راجعين
نِترِك خيام الذُل والعَيش المُهين
حَبيت نَحلة عالزَهِر منها طَنين
تِبكي عَكُل الاجئين الضايعين
حَبيت غَيمة مارقة فيها أنين
حاملة المَية تَتِسقي العَطشانين
حَبيت كل السَهِل والبَط السَمين
والارنَب اللي ساكن إبيته الحَصين
حَبيت شَمسَك يا وَطَن والاولين
اللي تغَذي الروح وتغَذي الوَتين
هاي بلاد العِز إلها مشتاقين
لَكَرمة التُفاح او لَكروم تين
حَبيت زَيتون التِلال الناطرين
رب السما بارَكها رب العالمين
راجعين لارضك ونحنا صابرين
للسلم نِحنا كثير صُرنا تَواقين
راجعين يا فلسطين نحنا راجعين
ونعيش في ربوعِك ونحنا فرحانين
نحنا طُلاب الحَق نحنا قادرين
في ساحَة الاقصى نشاما مجاهدين
بالقُدس بيت الله مَوجود العَرين
فيها القِيامة للنَصارة المؤمِنين
بحيي وَطَنا والشَهادة والسَجين
وأرواحنا تِرخَص الى شَعبي المَتين
يا ريت نِتوَحَد بأرجاء الوطن
والصَخِر قاسي من سَواعدنا بِلين
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة