22/9/2022
=========
مشغول علطول
والناس بتقول
ايه الي جرالي
وانا همي الناس
دايب احساس
وده كان حالي
وان كنت زمان
بكتب عنوان
والناس بتغني بالحاني
وبقول وبعيد
والقلب سعيد
والحب مخليني اناني
انا كنت بجد
اكتب وعليكم ارد
ويغطي حروفي بالواني
انا كنت شباب
والحب كتاب
من شوقي كتير كنت بعاني
مرت ايام
تاهت احلام
والزحمه تاه فيها عنواني
والناس بيجوك
بهموم يرموك
وانا اوزع على الكل حناني
ومشاكل عايزه تتحل
وده لازم تهدي وتتقل
وترجع له حقه من تاني
ايام بتعدي وبتمر
وسنين حلمي فيها اتبعثر
والباقي خيال لسه مكاني
مشغول علطول
مش لاقي حلول
والناس مش عارفه اني بعاني
العمر وراح
والحلم وساح
وفضلت من شيبي مكاني
راح فين النوم
ليه نايم دائما وبقوم
والناس بتقول اني اناني
انا تايه ليه
والحب ناسيه
عشان الشوق فاتني نساني
الشعر اهو شاب
والحلم ودأب
وبقيت من اوهام ب عاني
العمر اهو داس
تاه الاحساس
من بدري راح مني زماني
الناس بتقول
جدو علطول
وده قدري ياخلق وعنواني
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة