*****
أظهر للوجود تملى نفسك
أنحت بالعمل والجهد أسمك
أوعى تغمض عن العطاء رمشك
أبدع ف الحاضر أتعلم من أمسك
خلى للحواليك تملى حسك
أوعى بوقت الشيطان يغشك
يسود بكرة تملى فى وشك
يبقا عسلك بطعم مشك
دايما يبقا همك كله ملو كرشك
كل فكرك أزى تكنز بس قرشك
خلى الأمل ف الله غطاك وفرشك
دا مهما ضاق بالوجود عشك
تبقا ملك والدنيا كلها عرشك
أفتكر الموت حطه فى همسك
دا لو الهم بيوم مرة زارك
القدر ده أصله من أختيارك
أنت اللى بتطفى وتولع نارك
ماتدخلش جدك فى هزارك
يالا دى الوقت خد قرارك
متخليش الغرب يلعب بأفكارك
بلاش تعتدى على جارك
بغباءك تعكر عذب أنهارك
بجهلك بتصب فيهم سم مرارك
يبقا ليلك تملى زى نهارك
الدنيا موش سكنك ودارك
الدنيا دى بس لأختبارك
تنجح الجنة بالآخرة بأنتظارك
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة