******************
طيرى بسما العرب ياطيارة
هتطلعى من غيامة للغيامة
غاب ف السما حتى السلامة
هترجعى بحسرة وندامة
مفيش للعرب هبة وكرامة
معندهمش نخوة وشهامة
لحرية الأقصى مفيش علامة
قامت بأراضيهم القيامة
حرب أهلية نار بلا دخانة
معدش فيه وحدة وأمانة
أتمحت ع الوجوه الأبتسامة
العروبة بين الامم مهانة
العربى مش محصل دبانة
الغرب زرع بضميرنا الخيانة
بيلعب بينا عن طريق الديانة
الحرب الصليبية مستمرة يارجالة
غزو عقولنا بافكارهم مليانة
أنتصروا بشياكة ووسامة
أتفرقنا معدش للسلام بنا مكانة
بسمانا مفيش ولا حمامة
غصن الزيتون أترمى بالقمامة
مبقاش للعربى قيمة أو قامة
عايش على غيره م الأمم عالة
مستنى منهم تملى أعانة
ده كان حالنا زمان أستحالة
لو نعمل مقارنة دى يبقا أهانة
بصوا وافهموا ياسيادة
معدش لله منا عبادة
الكل مسلم بس بالشهادة
عشان كدا مالناش بين الامم مهابة
والله ياعرب بحكامنا احنا غلابة
بيهم بقينا عايشين بغابة
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة