مش باقي عليكي يا دنيا خلاص
ده ما شفتش فيكي ف يوم إخلاص
ياما شفت كتير وقليل خذلوني
وشربت المر من اقرب ناس
مش باقي عليكي يا دنيا خلاص
مش عايز منك شهد ف كاس
ولا عايز مال وياقوت أو ماس
أنا عايز اكون بس ف حالي
واقفل على نفسي ٢٠٠ ترباس
مش باقي عليكي يا دنيا خلاص
صاحبت أنا ناس ما لهومش أساس
اللي يطاطي معاهم ينداس
أمَّا اللي عليهم يتكبَّر
بيبوسوا إيديه يشيلوه ع الراس
مش باقي عليكي يا دنيا خلاص
كنت الجَنَّة وقمر ونَّاس
كانوا الجِنَّة وشيطان وسواس
خلفوا وعودهم خانوا عهودي
وبفاسهم دكوا وشقوا الراس
مش باقي عليكي يا دنيا خلاص
بعتب على نفسي ومش ع الناس
إني عملتلهم خدي مداس
أستاهل كل اللي جرى لي
علشان بتعامل بالإحساس
مش باقي عليكي يا دنيا خلاص
مش باقي عليكي يا دنيا خلاص
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة