هتدفع لما تتجوز وتدفع لما تتجنز
وتدفع لو تحب تنام بأزن السيد الريس
وتشحن كرت بالساعة مهش هزار ولا اشاعة
ولو زعلت اميرة البيت رصيدك يتسحب منك
وميعدلكش بتصالح ولو حتى راح تسامح
تجدد اشتراك تانى باسم الود وتعانى
ما بين الشيل وبين الحط وحظك لو عملك ربط
وهتدفع لو تسيب البيت باسم الهجر والتنطيط
ولو تعمل يا عبده عبيط وراك جلاد وسجانى
وهتدفع يعنى راح تدفع بامر السيد الريس
وطول البيت وعرضه وايه موضوع على ارضه
وفرشه فى دوسيه جارده وحزارى تعمل مفلس
تنام من بعد المغرب ولا تمشى ولا تركب
وفى الاحلام تصلى عشاك وسرك تدفنه فى عبك
متتكلمش وترطرط ولا تجادل وتتنطط
تشوف بعينك وتسكت كما الملبوس فى رجلك
وهتدفع يعنى راه تدفع بأمر السيد الريس
هتدفع لما تتجوز وتدفع لما تتجنز
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة