والله حرام الأم تربي وتدادي
وتلاقي نكران
والأب بيتعب ويجبلك
أشكال وألوان
وم اللقمة كمان
علشان مايعلم ويربي
ويداوي عيان
والله الأب مخزون للصبر
والأم ينبوع لحنان
وانتوا بقسوتكم بترودوا
بقسوة وهجران
الإبن يعوق امه وابوه
ويعذب فيهم الوجدان
والبنت تغير في سلوكها
وتعصي الديان
وتسيب بقى بيتها وعزوتها
وتهرب مع فارس الأحلام
والله الدنيا ماهيش دايمة
وهتعودلك نفس الأيام
وتقولي ده ذنب اللي عملنه
في أبويا زمان
خليت الكل بيتحاكى عنه
وعن امي دانا مش إنسان
خليتهم شالوا العار بدري
بقى ده اسمه كلام
ماتفوقوا وارجعوا بقى
لضميركم
خليتوا ابوكم يتهان
والأم بتتوجع منكم
وعيونها مش عارفه تنام
قلبها مفطور وبيتقطع
مليان أحزان
عمال من جوه بتتوجع
لابينفع دوا ولا برشام
لاهي عارفة تدعي على ضناها
ولا عارفة تدواي الخزلان
لو يوم حسيتوا بأهليكم.
كان فاتكوا عرفتوا الإحسان
ولايوم رديتوا الحنيه
قسوة وبهتان
بقلم الشاعر فهمى محمود حجازي
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة